أنا المصري
أنا حامل الهموم في عصري
أنا المطحون
أنا المدفون تحت الديون
أنا اللي أوهموه
إن الأعداء حيدبحوا
أنا اللي حقه مأكول
في بلده و على أرضه عايش مزلول
أنا اللي غناله درويش
و لحد النهارده الحرية ما تعرفنيش
أنا اللي قاد الغضب
و حارب الإحتلال اللي زل العرب
أنا اللي العرب سابوه
تحت رحمة الطغاة اللي زلوه
أنا اللي التاريخ يشهدله
إنه غير الدنيا بعقله
أنا اللي يومه وصل
عشان يثور و غير مهما حصل
أنا اللي النهارده حالم
إنه ينهي حكم الظالم
أنا المحارب من أجل الحرية
ضد الطغاة، من أجل الديمقراطية
أنا اللي التاريخ حيفتكره
بحروف من دهب حيكتب اسمه
أنا المصري
أنا اللي حغير عصري.
